Ek en my vrou, Vera, ons het vir dertien jaar hier in Florida gewoon. 'n Paar jaar terug, 10 jaar gelede, het ons na Ohio verhuis. Om hierdie naweek terug te kom was so 'n geweldige ervaring. Ek het mense gesien wat ek vir jare nie gesien het nie, en hernude vriendskappe. En ek het nuwe mense ontmoet wat ek nog nooit voorheen ontmoet het nie, hulle was nie hier toe ek voorheen hier was nie. En dit gee my net 'n klein idee van hoe dit gaan wees wanneer Jesus Christus terugkom. Ons gaan saam met al ons vriende, familie wees; familie, dis 'n reünie. Hierdie ontmoeting is net 'n klein blik op hoe die samekoms gaan wees. Ek weet Jesus is nie hier nie, en eerder as om in die lug te wees, is ons in Florida. Maar dit is 'n klein blik op hoe daardie samekoms gaan wees. Ek is mal oor hierdie soort ontmoetings wanneer ons so baie van ons bymekaar kry, want dit bou vir my my visie van wat die Hoop is. Dit het dus niks te doen met wat ek wou deel nie, maar dit help my net regtig om die hoop te sien.
Toe ek geroep is, en hulle my gevra het om te deel, oor hoe ek die Hoop leef en ander aanmoedig om die Hoop te leef. Ek het gesê “Ja, seker, ek sal deel.”, maar toe ek aflui het ek begin dink, “Man, weet jy wat, ek dink nie regtig so baie aan die Hoop nie”. Ek het soort van gehoop om self baie meer daaroor te leer deur na hierdie naweek te kom. Ek moes dink, wel, ek beter nou iets begin doen, sodat ek iets het om te deel oor hoe ek die Hoop leef. So ek het gedink, hoe kan ek ander aanmoedig, hoe om die huishouding aan te moedig. So ek het gedink, ek is in die huishouding, hoe begin ek met: hoe kan ek myself aanmoedig om die Hoop te leef. Ek het net begin dink aan die basiese beginsels. Almal wat wedergebore is, wanneer Jesus Christus terugkeer; ons gaan op, ons gaan almal saam wees. Hoe kan ek bewys dat ek deel daarvan gaan wees, en ek gaan nie een van die wat agterbly nie?
Wel, wat is die bewys dat ek wedergebore is? Ek kan in tale praat, reg? Daar is daardie ou wiskundige stellig, of iets. A is gelyk aan B, wag! A is gelyk aan B, C is gelyk aan D, daarom is A gelyk aan D(C)? In elk geval, ek was nie goed in wiskunde nie. Maar, as ek in tale kan praat, dit bewys dat ek wedergebore is, en die Woord sê dat as jy wedergebore is, gaan jy saam by die byeenkoms wees. So wanneer ek ook al in tale praat, is dit vir my 'n bewys dat ek daar gaan wees. Ek het begin om, wanneer ek in tale praat, veral in die oggend, daardie idee van die hoop te probeer kombineer. Sodat ek elke dag begin dink aan die terugkeer, die Hoop en alles wat gaan beteken terwyl ek in tale praat. En dit het my geseën, en dit bou vir my op, my visie van wat die Hoop gaan wees.
My aanmoediging aan jou is om dieselfde te doen. As jy in tale praat, onthou dat jy saam met Jesus Christus en al ons broers en susters daar by die byeenkoms gaan wees. God seën jou.
Responses